Foto de SCP-EO-117 neuzata
Objekta N-ro: SCP-EO-117
Objekta Klaso: Sekura
Specialaj Entenaj Procedoj:
SCP-EO-117 estu entenata en norma konservejo de Situo-EO-██. Sen rekta kontakto kun la korpo, SCP-EO-117 ne metas rektan danĝeron. Malgraŭ tio, la ebla danĝereco postulas, ke la funkciiganto prenu rimedojn de izoliĝo. Movi la objekton de la konservejo bezonas permeson de almenaŭ unu dungito de nivelo 4.
Priskribo:
Komence SCP-EO-117 estis trovita en maligna akcidento okazanta en la urbo Hanĵong de la provinco Ŝenŝjio, Ĉinio en 2004-10-01. En la plej multaj okazoj, SCP-EO-117 aspektas kiel amorfa globkrajono, kies formo ŝanĝas laŭ la lasta uzanto kiam la objekto estas nerimarkita. Kiam la objekto ne estas uzata, ĝi ĉiam konservas tian aspekton, kia ĝi estas uzite lastfoje. Aspekte, la inko de SCP-EO-117 preskaŭ ne ŝanĝas pro uzado. Ĉiuj provoj por dispartigi kaj damaĝi SCP-EO-117 abortas tute.
Uzatate por normala skribo, SCP-EO-117-1 manifestas la naturon saman kiel normala globkrajono. Ĝia nenormala naturo aperas, kiam ĝi estas uzata skribi sur la epidermo de vivanta homo (nomita SCP-EO-117-1); estas sciate, ke ĉiu SCP-EO-117-1 individuo estas diversgrade influata mense. Laŭ la statistikoj, inter la grado de influo kaj la areo de SCP-EO-117-2 estas pozitiva korelacio.
- Kiam la areo de SCP-EO-117-2 estas sub 3 cm², SCP-EO-117 manifestas mensan eksciton en malsama grado sed en la normala spektro, montrante pli aktivan kaj pli optimisman sintenon en la laboro kaj vivo.
- Kiam la areo de SCP-EO-117-2 estas pli ol 3 cm² kaj malpli ol 10cm², SCP-EO-117-1 manifestas la mensan eksciton preter la normala spektro kaj evidentan malkreskon de logika pensado, montrante ekstreman adoron je la desegnaĵo konsistata el SCP-EO-117-2.
- Kiam la areo de SCP-EO-117-2 estas pli ol 10 cm², SCP-EO-117-2 montras al preskaŭ tutaj vivaĵoj ekstreman malamikecon.
Escepte se SCP-EO-117-1 mortas pro aliaj tialoj, la desegnaĵo (nomita SCP-EO-117-2) de la epidermo ne kapablas esti forviŝata per ĉiu sciata metodo. Eĉ se la epidermo estas rompita aŭ forviŝita, SCP-EO-117-2 ankoraŭ aperos sur la nova epidermo aŭ la cikatro post la resaniĝo de la vundo. Post la morto de SCP-EO-117-1, SCP-EO-117-2 malaperos ene de 6 minutoj al 12 minutoj.
Dato: 2004-10-04, post konfirmi, ke la mensa stato de la intervjuato estis stabila.
Intervjuanto: Agento ████
Intervjuato: S-ro Feng, familiano de la viktimo
[Komenciĝas Registro]
Agento ████: Ĉu vi estas S-ro Feng? Saluton, mi profunde bedaŭras pro tio. Mi estas oficisto de la Departemento de Publika Sekureco de nia provinco. Jen mia atestilo.
S-ro Feng: (Silente, rigardante al la grundo)
Agento ████: Mi scias, ke vi ne plu povas toleri la malkonvenajn demandojn. Se tio ne estus necesa, ni nepre ne irus ĝeni vin. Pardonu, mi ja bezonas detale kompreni la tutaĵon de la evento.
S-ro Feng: … Ĉio komencis de la 15-a tago de la 8-a luna monato. Pro la ferioj de la mezaŭtuna festo, mi lasis lin ludi kun la samklasanoj kaj ne resti hejme tuttage. Reveninte li jam estis … jam estis tia.
Agento ████: Kia?
S-ro Feng: (Profunde spirante) Lia vizaĝo estis plena je spuroj de olea inko. Jiarui ĉiam estis tiel petola, tial komence mi ne zorgis tute. Kiam Xiaohong riproĉis lin kaj ordonis lin tuj purigi sin, subite li batis sian panjon.
Agento ████: Poste okazis kio?
S-ro Feng: Ni ambaŭ tre surpriziĝis. La infano normale ne traktis gepatrojn tiel. Sekve mi iris bati lin. Batite de mi, kiam mi preparis ĉirkaŭpreni plorantan Xiaohong, li kuris en sian ĉambron kaj ŝlosis la pordon. Xiaohong plorante kriis al li "Ne purigonte, morgaŭ vi iru al la lernejo kun la kolorita vizaĝo". (Haltante) Mi ne memoras, kiel tiunokte mi endormiĝis.
Agento ████: Kontinuu.
S-ro Feng: Loĝinte en la lernejo, la infano revenis hejmen en la nokto antaŭ la ferioj. Xiaohong restis en la ĉambro sen eliri. Tiam mi oficvojaĝis, tial mi telefonis lin. Sen riproĉoj, mi diris al li, ke viro estu vireca, kaj ke malgraŭ ĉio ne koleriĝu al tiuj, kiuj amas vin plej multe, ĉar tio estas la plej fia. Mi demandis al li, ĉu bati la panjon estis prave. Li mallaŭte diris, ke tio estas malprava, kaj ekploris, senĉese petante pardonon. Li promesis al mi pardonpeti al sia panjo. Neniu povis scii, ke en la dua tago, dua tago li… (Ploregante, kovrante la vizaĝon per la manoj)
Agento ████: Mi jam scias tion sekvan. Vi povas ne kontinui diri. Mi ankoraŭ volas demandi, ĉu vi memoras, kia desegnaĵo estis pentrita sur lia vizaĝo?
S-ro Feng: (Malrapide levante la kapon) Kion vi diris?
Agento ████: Vi diris, ke estis trovite en la nokto de la 28-a de septembro, ke estis spuroj pentritaj sur la vizaĝo de la knabo.
S-ro Feng Jes … Mi memoras, ke ŝajne ĝi estis testudo.
Agento ████: Dankon al vi.
[Finiĝas Registro]
En la 3-a de oktobro 2004, la Fondaĵo traktis kun la loka Departemento de Publika Sekureco, akironte la taglibran hejmtaskon de unu el la kvin viktimoj, Li Xiaowen, kiu kontaktis SCP-EO-117 kun Feng Jiarui en la 28-a de septembro. Jen la partaj ekstraktoj de la enhavo de lia hejmtasko.
Hodiaŭ estas la mezaŭtuna festo, kiam la tutaj familianoj renkontiĝas. Hodiaŭ panjo prenis al ni du skatoloj da lunkukoj, sed laŭ mi ili tute ne bongustis. Sekve mi iris serĉi al Kai, Haoyu kaj Jiarui por kune ludi la ludilajn aŭtojn. Poste Kai ankaŭ vokis al Zixuan. Kai malsatis tiun lokon ĉar la tro ebena vojo estis malinteresa por ludi. Ni portis la aŭtojn al la arba kavo nova kaj ludis. Subite, mi trovis globkrajonon, do mi pentris porkokapon sur la kolo de Zixuan. Tuj kiam mi faris, li trovis. Do li ankaŭ pentris sur la mia etan porkokapon, kaj li pentris sur mano de Haoyu ankaŭ.
Poste ni ludis "papero, tondilo, ŝtono". Venkinto povis pentri sur la vizaĝo de malvenkinto. Ludinte por momento, ni revenis hejmen.
malsatis→malŝatis Atentu pri via sekureco! Bone (Komento de la klasa ĉefinstruisto)
Pro la venontaj ferioj post du tagoj, mi frue venis al la lernejo. Hodiaŭ mi studis seriozege, kaj la ĉefinstruisto laŭdis min. Nenial, Jiarui ankoraŭ ne purigis sian vizaĝon. Hodiaŭ posttagmezon, la ĉefinstruisto kritikis Jiarui por ĉi tio, do li stariĝis kaj elkuris el la klasĉambro, kio ege kolerigis la instruiston.
Posttagmezon, en la fino de la lasta klaso, Kai kaj Zixuan kverelis, kio preskaŭ iĝis interbato. Kvankam mi ne sciis la kialon, mi pensis, ke Kai eraris. Kiam mi diris al Haoyu, li ankaŭ pensis tiel.
Entute, hodiaŭ mi estas tre ĝoja.
Taglibro ne estas kalkulo, ne traktu ĝin malserioze. Vi povas fari pli bone! Bone (Komento de la klasa ĉefinstruisto)
Kai kaj Zixuan kverelis en la klaso pri artoj por skrapgumo. La instruisto kritikis ilin kaj punis ilin per starado. Kiam ili pasis preter mi, mi aŭdis Zixuan mallaŭte diri: "Atendu kaj vidu".
Antaŭtagmezon, kiam la tria klaso komencis, mi vidis Kai kaj Zixuan eliri el la necesejo. Zixuan ŝajnis kontenta. En la mano li prenis tondilon uzita en la klaso pri artoj. Tamen la vizaĝo de Kai estis tro pala. Mi neniam vidis tian mienon sur aliaj vizaĝoj. Nenial mi maltrankvilis.
Estas vere timinde por vi, ke dum posttagmeza memlerno, en la ĉefinstruista oficejo preter la klasĉambro subite okazis bleko. Mi kaj kelkaj kuraĝaj kolegoj kune kuris al la oficejo, vidonte bildon neniam forgesotan de mi. La ĉefinstruisto havis persan katon nomitan Xiaobai. Ĉar ĝi ofte promenis en la lernejo, tial ĉiuj bone konis ĝin. Sed tiam kapo kaj membroj de Xiaobai estis trapikitaj per kvin najloj sur la tablo de la ĉefinstruisto. Fakte, komence mi ne rimarkis, ke ĝi estas Xiaobai, ĉar ĝia haŭto tute turniĝis inverse. Sen la blanka vosto, mi povus pensi, ke ĝi estas bulo da karno kun haŭtoj kaj haroj.
Sed ĉi tio ne estis plej timinda. Preskaŭ neniu atentis, ke sur la bruna labortablo estas desegnaĵo formita el duonsolida sango.
Tio estis testudo.
Ekster la fenestro ekpluvis. La aero iĝis humida kaj malvarma.
Mi ne trovis Jiarui, kies samtablano diris, ke li ne vidis lin ekde la tagmezo.
Mi ne sukcesis forigi la porkokapon. Mi ne sukcesis trovi la globkrajonon en la dorsosako.
Mia stomako doloris, mi naŭziĝis.
Ĉio aperis pro mi.
Mi ne traktis ĝin malserioze, S-ro Liu, sed mi pensas, ke mi ne povas doni al vi la taglibron.
(Alaĵo: sur ĉi tiu paĝo de la originala taglibro estas evidentaj spuroj de akvo)
Ili diris, ke li disfendis la kapon de kuiristino.
Li fendis pli ol unu fojon.
Sur la planko estas la spuroj de sango formitaj pro rampado. Mi ne povas haltigi min pripensadi, kiel li misfendis la unuan fojon, kaj kontinuis fendi la baraktantan kuiristinon denove kaj denove.
Laŭdire, Jiarui mortigis sin per tranĉi la manradikon. Eble mi ankaŭ devas tiel.
Mi ne scias, ĉu fari tiel estas dolorige.
Mi timegas.
AVERTO: LA JENAJ DOSIEROJ ESTAS KLASIFIKITA JE NIVELO 4/EO-117
ĈIU PROVO POR ATINGI LA DOSIERON SEN PERMESILO DE NIVELO 4/EO-117 ESTOS REGISTRITA KAJ KONDUKOS AL TUJA DISCIPLINA AGO
Laŭ supraj vortoj, estas konjekteble, ke inter la SCP-EO-117-1 individuoj estas ia rilato. Jen la skriba registro de la rilataj eksperimentoj.
Dato: 2004-11-04
Respondeculo: D-ro Kanro
Objekto: D-30776, D-40201, D-90553, elektitaj hazarde kaj ne konantaj unu la alian.
Trakto: Same traktante al ĉiuj objektoj per SCP-EO-117. La desegnaĵo konsistanta el SCP-EO-117-2 (nomita "la desegnaĵo" en la sekvaj sekcioj) estas kvinpinta stelo je 1cm².
Ĉirkaŭaĵo: Ferma endoma ĉirkaŭaĵo
Tempo: Unu semajno
Rezulto: Ne evidenta ŝanĝo. En la tria tago de la eksperimento, D-40201 dubis al la esploristoj pri la nuna situacio, postulante scii la celon de la eksperimento. La esploristoj rifuzis la postulon, kaj sekve D-30776 kaj D-90553 parole konsolis lin.
Noto: Pli multaj eksperimentoj estas konsidereblaj.
Dato: 2004-11-12
Respondeculo: D-ro Kanro
Objekto: D-29006, D-45071, D-83570, elektitaj hazarde kaj ne konantaj unu la alian.
Trakto Same traktante al ĉiuj objektoj per SCP-EO-117. La desegnaĵo estas la ridetulo de Harvey Ball je 9cm².
Ĉirkaŭĵo: Ferma endoma ĉirkaŭaĵo
Tempo: Unu semajno
Rezulto En la dua tago de la eksperimento, D-29006, D-45071, kaj D-83570 kune protestis al la esploristoj por sia situacio, provante ataki la sekurecajn gardistojn por haltigi la eksperimenton. En la tria tago, la objektoj komencis laŭte kanti la ekscitan kanton kune kreitan. Post la malsukceso de provoj minaci la esploristojn por paperoj kaj plumoj, D-45071 mordis sian montrofingron de la dekstra mano kaj uzis la sangon pentri ridetulon sur la fronto de sia vesto, disŝironte la parton kun la emblemon de la Fondaĵo. La ceteraj du objektoj imitis ĝin. Postajn kvar tagojn, ĉiuj el tri objektoj rifuzis manĝi, deklarante, ke "ĝi estas manifestacio al la Fondaĵo".。
Noto: La samaj SCP-EO-117-2 ŝajne plifortigis la koheron inter SCP-EO-117-1. La sekva projekto estas testi la interagon de individuoj efektitaj de specoj da SCP-EO-117-2.
Dato: 2004-11-20
Respondeculo: D-ro Kanro
Objektoj: D-19067, D-36419, D-79082, elektitaj hazarde kaj ne konantaj unu la alian, dividitaj en grupoj
Trakto Malsame traktante al grupoj per SCP-EO-117. La desegnaĵoj sur la epidermo de D-19067 kaj de D-36419 estas kvinpintaj steloj je 9cm², la desegnaĵo sur la epidermo de D-79082 estas la ridetulo de Harvey Ball je 9cm².
Ĉirkaŭaĵo: Ferma endoma ĉirkaŭaĵo
Tempo: Du tagoj (unu semajno en la projekto)
Rezulto: En la unua tago de la eksperimento, D-79082 kaj aliaj objektoj draste kverelis, ĉar D-19067 kaj D-36419 pensis, ke D-79082 "sidis tro proksime al ni”. La ago tuj iĝis korpa batalo. Ĝis kiam la esploristoj minaci la objektojn per elektro, la bato provizore haltis. En la dua tago, la esploristoj subite decidis redukti la provizon de manĝaĵoj al duhoma kvanto, observonte la reakcion de la objektoj. D-19067 kaj D-36419 tuj rifuzis doni al D-79082 la manĝaĵojn per la ekskuto, ke ambaŭ homoj malsatiĝos. Post du horoj, la objektoj denove korpe interbatis malgraŭ la averto. Kiam D-79082 estis inhibiciita de D-36419, D-19067 pikis en la maldekstran okulon de D-79082 per la kulero, do la eksperimento estis haltigita. Atentinde, dum la eksperimento, neniu protestis aŭ dubus pri la Fondaĵo aŭ la eksperimento.
Noto: Mi bedaŭras por D-79082. La rezulto estas tre inspira, kaj la pli vasta eksperimento estas konsiderita necesa.
Dato: 2005-02-04
Respondeculo: D-ro Kanro
Objekto: 137 D-klasuloj, hazarde elektitaj kaj ne konantaj unu la alian。
Trakto: Malsame traktante al ĉiuj objektoj per SCP-EO-117. La desegnaĵoj sur epidermo de 30 objektoj el ili estas la ridetuloj de Harvey Ball je 9cm², nomitaj la grupo A; la desegnaĵoj sur epidermo de 20 objektoj el ili estas regulaj trianguloj je 16cm², nomitaj la grupo B; la desegnaĵoj de epidermo de 30 objektoj estas kvinpintaj steloj je 1cm², nomitaj la grupo C; la ceteraj objektoj estis neniel traktitaj kiel la kompara grupo. Ĉiuj objektoj estis disigitaj kaj hazarde lokitaj en la eksperimenta ĉirkaŭaĵo kun nur necesaj iloj por vivi.
Ĉirkaŭaĵo: En malferma ĉirkaŭaĵo de la nordo de la Siĉŭana Provinco, kun la landformo de arbaro kaj limitaj rimedoj.
Tempo: Kvin monatojn. Sen influo al la objektoj, sendante senpilotan aviadilon observi en tempo fiksita.
Rezulto (Resumo):
- Dum la frua etapo, la kompara grupo baze restis en stato de hazarda distribuo. Objektoj de eksperimentaj grupoj ekamasiĝis, kio evidente plirapidiĝis post la apero de flagoj pensitaj kun la desegnaĵoj. En la fino de januaro, tio baze finiĝis. Kun progresado de la eksperimento, en la grupo B komencis aperi la karakteroj de tribo de la frua etapo, kio montris je grupa ago, ekstrema teritoria konscio kaj ekstrema ekskluzivo en la konduto. Similaj karakteroj sekve aperis en la grupo A kaj la grupo C. Tiam, multego el la kompara grupo mortis; fine plimulto da la transvivintoj aliĝis al komunumoj de la grupo A aŭ de la grupo C. Aliflanke, komunumoj de la grupo A, de la grupo B kaj de la grupo C dependis al rimedoj de la areoj okupitaj de si por kontentigi la vivan bezonon aparte per kolektado, ĉasado kaj fiŝado.
- Dum la meza etapo, en ĉiu grupo aperis sia certa gvidanto, kiu nomis sin "lando". La konfliktoj inter ĉiuj eksperimentaj grupoj iĝis interbataloj kun baza formo de malgranda milito en la epoko de blanka armilo. Ĉar la distanco inter la grupo A kaj la grupo C estis la plej proksima, inter ili okazis granda korpa interbatalo plej frue, daŭranta por preskaŭ unu semajno. Dume, la akirado kaj produktado de manĝaĵoj en ambaŭ grupoj preskaŭ haltis. En la kondiĉo, ke en ambaŭ flankoj sume mortis 24 membroj, la interbatalo finiĝis pro la venko de la grupo A. Dum du monatoj post ĉi tio, la granda interbatalo neniam okazis. Samtempe, en ĉiuj grupoj malrapide aperis kredo, kies ĉefa ideo estas "Nur tiuj, kiuj konservas la vivon per fiŝado/ĉasado/kolektado, povas transvivi post la eksperimento", kaj komencis aperi la profesiaj gardistoj, kiuj ne okupiĝas pri la akirado aŭ produktado de manĝaĵo.
- Dum la fina etapo, ĉar senĉesa interbataloj kaj profesiaj gardistoj, kvankam manĝaĵoj akiritaj de la objektoj iĝis pli malmultegaj, la totalo de manĝaĵoj ĝenerale povis satigi al ĉiuj objektoj la bezonon pri vivado pro la rapida plimalmultiĝo de la objektoj. Sed en la 139-a tago de la eksperimento denove okazis granda korpa interbatalo. La kaŭzo de la konflikto estas nesciata, koncernante tuton el tri grupoj, ĝis la fino de la eksperimento. Estas sciite, ke la evento kaŭzis la morton de almenaŭ 64 objektoj.
Ĝis la fino, sume 107 personoj el objektoj mortis, 30 supervivis. Interalie 7 personoj el la objektoj estas de la grupo A, 3 personoj el la objektoj estas de la grupo B, 12 personoj el la objektoj estas de la grupo C, 8 personoj estas de la kompara grupo.
Alaĵo: La slipo devenis el la poŝo de la vesto de kadavro en la eksperimenta areo. En lia pantalona poŝo krajono uzita por skribado estis trovita. Laŭ konjektoj, la krajono kaj la slipo devenis el rubaĵoj disaj en la arbaro. Estas konfirmite, ke la eksperimenta objekto rilate al la kadavro apartenas al la kompara grupo.
La situacio ekmalboniĝis.
Mi scias, ke antaŭe estis malbonaj tagoj, sed ĉi tio estas malsama.
Mi ne estas Bear Grylls. Mi ne kapablas akiri sufiĉajn manĝaĵojn sole. Ili nomis sin "Ridetulujo", kaj poste mi aliĝis al ili.
Tamen, ĉiuj ekis mortigi unu la alian pro io, kion mi trovis sensignifa. Hieraŭ, antaŭ evakuado ni farigis liajn fiŝretojn, ĉar ni ne havis tempon por preni la gajnaĵojn.
"Post pluraj tagoj ili ja ne povos batali kontraŭ ni pro malsato, ĉu ne?" Diris ĝoje iu en la trupoj, kies nomon mi ne sciis.
Prave, sed ankaŭ ni estos ĉi tiaj. Ĉiuj, inkluzive de tiuj respondecaj komence por trovi naturajn legomojn, iĝis batalistoj. Pro ĉi tio min zorgigis la demando, ĉu morgaŭ ni povos mortigi homojn sen malsato.
Iuj en niaj trupoj, kiuj poste aliĝis al ili laŭ mia scio, ekis dizerti. Nun mi fore staras, vidante ilin fajri kun krioj kaj huraoj, vidante la ridetulon sur la flago ruĝiĝi pro la oranĝkolora fajro.
Mi konsoliĝis malmulte. Ĉi tio almenaŭ pruvis, ke ne nur mi estis nesocietema.
Hodiaŭ, mi ne mortigis tiun blekantan malamikon, pro tio, ke li memorigis min al mia filo.
La estro estas junulo. Li nomis min timulo. Certe mi ne kuraĝis kaj ne povis refuti kontraŭ li. La Fondaĵo eraris, sed li ne. Neniu povis forgesi tiun momenton, kiam li plorante prenis la kapon de sia patro, dirante al ĉiuj, ke li mortigis la malamikon.
"Ni bezonas elekti prave." Li diris.
Mi scias, kio okazos kiam oni estas nomita "timulo". Tuj, ili nomos lin "perfidulo". Kaj ĝis tiam, ne, mi ne atendos ĝis tiam.
Mi ne volas morti.
Mi scias, ke finfine tiuj de la Fondaĵo akiros ĉi tiun paperon. Bonvolu diri al mia filo, ke mi amas lin, kaj ke pardonu.
AVIZO DE LA ADMINISTRACIO DE SEKURECO DE REGISTROJ KAJ INFORMOJ DE LA FONDAĴO
La konsumo de rimedoj en SCP-EO-117-Testo_11 estas konsiderita nenecesa. Tuta esploro pri SCP-EO-117 jam estas haltigita. La enketo pri la mensa stato de D-ro Kanro estas faranta.
— Lasman, Situ-Direktoro, Situo-EO-██
Mi legis la raporton pri Kanro. Ŝajnas, ke li estis influita de ia infekta mensa efekto. Mi konjektas, ke jen pro tio la situo ordonis ĉiujn trapasi la mesan teston. Ekde la mezo de novembro de la lasta jaro, Kanro diris ion strangan "Ridetu la Mondo". Se li ne estus tiel freneza normale, pli frue mi scius.
Lastatempe mi ofte pensas pri ĉi tio, ĉar ĝi ŝajne montras, ke la desegnaĵoj pentritaj de SCP-EO-117-1 havas la mensan efekton similan al SCP-EO-117-2. Ĉi tio signifas, ke kvankam la efekto eble malkreskas, la efekto de SCP-EO-117 inter popolamaso povas disvastiĝi tra la vojo "influito→desegnaĵo→influito→desegnaĵo", kaj tial plivastiĝi je eksponenta rapideco. Hieraŭ, senpermese mi mense regis D-50372 per SCP-EO-███, igante lin kredi, ke li ja estas Nerva; kaj ordonis lin preni SCP-EO-117. Ĉu vi memoras, ke SCP-EO-117 kapablas transformi? Ĝi iĝis krajono samkiel la krajono uzita de arĥaikaj romoj, kiu konsistas el plumba bastono en metala ingo. Kiel longe ĝi ekzistas sur la tero?
Legante la eksperimentajn registrojn, mi trovis min en freneza mondo. La esenco de patriotismo estas gloriĝo de kolektiva egoismo. Kiam usonanoj estas fieraj pri la stato de sia lando, neniu dubas, ĉu la mondo metas tro multe da rimedoj en militojn. Kiam angloj gratulas al Anglio en la naskiĝtago de la reĝino, neniu memoras la malsatajn infanojn en Etiopio.
Eĉ sen helpo de la Fondaĵo, per la rimedoj posedataj de la homaro, kun taŭga distribuo, ĉiuj de la mondo riĉe vivus. Ni ja povus neniigi malsanojn, krimojn, kaj malriĉecon; sed ni metas multege da rimedoj kaj energio en militojn kaj politikan konkuron, kvankam tio nur estas la transigo de limitaj rimedoj en limigita spaco. Lando ne estas substanco ekzistanta objektive, ĝi nur estas fikcia koncepto aprobita de plimulto da personoj. Por la koncepto ni estas mortigintaj kaj mortigitaj kvazaŭ la viktimoj influataj de SCP-EO-117 faris por la ridinda desegnaĵo, la fia totemo.
Amikoj diris, ke mi estas iomete anarkiisma. Mi ankaŭ scias, ke ĝi estas freneza ideo. Sed se ĉi tio estus pro — Fek! Mi ne povas pensi nenion pri ĉi tia probableco.
Kial ni ĉiuj nur zorgas por ni mem?
DATO: 2005-09-04
DE: D-ro Chen <oxjadnof.pcs|nehCor-D#oxjadnof.pcs|nehCor-D>
AL: D-ro Yuan <oxjadnof.pcs|nauYor-D#oxjadnof.pcs|nauYor-D>
Mi ne scias, [NOMO REDAKTITA], mi ne povas pruvi ĝin. Ĉu memeaj aŭ mensaj estas la efikoj, sur ili ne estas markoj. Por difini nenormalecon, vi devas antaŭdifini normalecon. Vi ne povas enteni patriotismon, aŭ fian egoismon.
Bedaŭrinde, eble ni ja estas ĉi tiaj, eble ĉi tioj ja estas ni.